Gaeleko gazteak ari dira maila berriari tamaina hartzen

GOIERRI 2 GAEL 3

GOIERRI: Gutierrez, Alonso, Goiburu, Hernandez eta Mendizabal-hasierako bostekoa-, Del Rio, Martin, Caballero eta Sanchez.

GAEL: Lopez, Iturriotz, Zabala, Agirretxe eta Leunda-hasierako bostekoa-. Xabi Usandizaga eta Lekuona.

EPAILEA: Ocampo. Txartelik ez.

GOLAK: Goierri: Goiburu eta Del Rio: Gael: Zabala (2) eta Agirretxe.

Gael ari da maila berriari tamaina hartzen, eta bigarren garaipena jarraian lortu zuen, aurkari zail baten kantxan. Baja askorekin ziren zuri-marroiak, baina hala ere aurre egin zioten, eta baita lehen minutua betetzerako hartu zuten golari ere. Partida estua izan zen, bietako edozeinek irabazteko modukoa, baina zuri-marroiek atzean sekulako lana egin zuten, eta talde guztiak egindako lan bikainaren ostean, hiru puntuak batu zituzten.