Iritsi da lehen garaipen ofiziala

GAEL 7 ANTIGUA LUBERRI 3

GAEL: Lopez, Iturriotz, Lekuona, Zabala eta Agirretxe-hasierako bostekoa-, Leunda. Hurtado eta Xabi.

ANTIGUA LUBERRI: Kapaldegi, Veistemillas, Oiarbide, Ruiz eta Fernandez-hasierako bostekoa-, Florindo, Morales, Agirre, Iribar eta Mendi.

EPAILEA: Bartolome Gomez. Etxekoen aldetik, Hurtadok eta Xabik ikusi dute txartel horia, eta kanpotarren aldetik, berriz, Ruizek, Fernandezek, Veistemillasek eta Oiarbidek.

GOLAK. Gael: Zabala (3), Agirretxe (2), Leunda eta Iturriotz. Antigua Luberri: Ruiz eta Oiarbide.

Hirugarren jardunaldian iritsi da Gaelen Ligako lehen garaipena. Aurreko bietan ere ongi jokatu zuen, baina ezin izan zituen hiru puntuak lortu, baina oraingoan bai. Zuri-marroiak nagusi izan dira lehen zatian, atseden hartzera 4-1 joateko. Bigarrenaren hasieran 5-1ekoa lortu dute, eta gero kanpotarren bi gol ia jarraian etorri dira. Horrekin apur bat estutu dira Gaelekoak, baina azkenean beste bi gol sartu, eta neurketa betirako erabaki du talde zuri-marroiak.