Aurten Munduko Txapelketa jokatuko duen 2003ko Gaeleko taldeak, eta iaz jokatu zutenek partida izan dute gaur Lekunberrin, Xotaren aurka, eta emaitzak onak izan ez badira ere, emandako itxura ez da txarra izan. Hemen bi baldintza kontuan hartu behar dira. Alde batetik Xotak FIFAko arauetan jokatzen duela, eta guk AMF-koetan, eta arauak ez dira berak. Euren gonbidapena jasoz, euren erara jokatu dugu, eta bestetik Xota Lehen Mailako talde baten harrobia da, lehen taldea aurreneko mailan baitago. Futbolarekin alderatuta Realaren edo Eibarren aurka jokatzea bezala izango zen, beti ere euren adinekoekin, noski.
2003koek sekulako neurketa egin dute, nahiz eta 5-3 galdu duten. Elkarrekin bi entrenamendu egin da joan dira, eta urriaren bukaeran maila bikaina eman dezaketela erakutsi dute. Bosgarren ninuturako 3-0 galtzen ari ziren, baina atsedenera 3-3 joan dira. Bigarren zatian bost aldiz bota du Gaeleke baloia zutoinera, eta eurak aldiz bi gol lortu dituzte, azkenean Gael garaipenik gabe utziz, baina itxura bikaina emanez. Iker Muruak, Arrospidek eta Balerdik lortu dituzte golak. Ugartemendia, I.Murua, A.Murua, Arrospide eta Balerdi izan da hasierako bostekoa. Altuna, Arruabarrena, Aizpurua, Uzkudun eta Iztueta ere aritu dira.
2002koek ere oso partida ona egin dute. Adin horretan Xotak duen taldea ikaragarria da, eta hortik bostbat joakalari aurreikusten dituzte Lehen Mailan jokatzen, eta gaurkoan ere itxura ikaragarria eman dute. Gaelek, ordea, primeran egin die aurre, nahiz eta laugarren minuturako 3-0 galtzen ari ziren. Atsedenera, ordea, 3-1 joan dira. Bigarren zatian 4-2 egon dira, eta bi minuturen faltan 5-2 ari ziren, eta bi aukera garbi izan da. Azkeneko minutuetan nekea somatu du Gaelek, eta etxekoek bi gol egin dituzte. Aitzakiarik gabeko partida izan da. Ugartemendiak egin ditu bi golak. Hurtado, Iturriotz, Agirretxe, Zeberio eta Leunda izan da hasierako bostekoa. Zubeldia, Ugartemendia, Aramendi eta Arrospide ere aritu dira.
iruzkinik ez:
Argitaratu iruzkina