Hau hastera doa

Gipuzkoako Herri Txikietako Gael Areto Futbol Elkartearen denboraldia hastera doa, eta aurten berrikuntzekin dator gainera.
Hasteko, 2017-2018 denboraldian parte hartzeko izena emateko epea urriaren 8rarte irekita dago. Bertan parte hartzeko 1.500 biztanle baino gutxiago dituten herriak izan behar dute eta benjamin, alebin, infantil-kadete eta jubeniletan lehiatzeko asmoa dago. Izena emateko 696277697 telefono zenbakira deitu behar da. Beti bezala AMF-ko arauetan egingo da lehiaketa.

Baina, aurten FIFA-ko lehiaketan ere Gaelek parte hartuko du, eta kadete mailako talde bat eta infantiletako beste bat, aurtengo denboraldian Gipuzkoako Futbol Federazioak antolatzen duen areto futbol Ligan arituko dira. Kadeteak jadanik hasi dira etrenatzen, eta infantilak larunbat honetan bertan abiatuko dira. Lagunarteko neurketak ere jokatzen hastera doaz, eta kadete mailako taldeak, ostiral honetan bertan jokatuko du bere lehen partida, 19.30etan Idiazabalen, Idiazabalgo neska seniorren aurka.