Bukaera paregabea

Goizeko garaipen handiaren ostean iritsi da areto futboleko amaiera, eta bosgarrengotik zazpigarren posturako lehia jokatu behar izan du Gaelek, eta azkenean seigarren amaitu du, partida handi batzuk egin ostean. Lehenengo Lloret A taldearen aurka jokatu eta 3-2 irabazi du. Lehen minutuan aurreratu dira kataluniarrak, baina Unai Altunak, faltatik berdindu du neurketa. Bukaera emozioz beterikoa izan da. Minutu eta erdi besterik geratzen ez zenean partida amaitzeko, Iker Muruak penaltiz sartu du 1-2koa, baina 34 segundo falta zirela etxekoek berdindu egin dute. Partida berdinean amaituko zela zirudienean, eta amaitzeko 10 segundo besterik falta ez zirenean, Unax Iztuetak egin du 3-2koa. Aurretik Israelgo Jatt taldeak 1-0 irabazi dio Lloreti, beraz euskaldunen eta israeldarren artean zegoen bosgarren postua.

Gaelek sekulako norgehiagoka egin du, irabazteko dena egin du, baina asiarrek zortea ere alde izan dute, hiru aldiz atzelari batek atera baitu atepetik baloia, eta amaieran golik gabe amaitu da neurketa. Ondoren, penaltien txanda iritsi da, eta 3-1 irabazi dute asiarrek. Amaiera paregabea.

Sailkapenak honela geratu dira:

Areto futbola:

1- Español Lloret ( Katalunia)
2- Australia A
3- Australia B
4- Lloret B (Katalunia)
5- Jatt (Israel)
6- Gael (Euskal Herria)
7. Lloret A (Katalunia)
8. Pegasus (Errusia)
9- Ganbia

MIKROFUTSALA:

1- Gael B (Euskal Herria)
2- Gael A (Euskal Herria)
3- Pegasus (Errusia)
4- Español Lloret (Katalunia)
5- Lloret B (Katalunia)
6- Jatt (Israel)
7- Lloret A (Katalunia)
8- Ganbia